هٿرادو ذهانت جي ميدان ۾ نئين ماڊل جي انٽري، چيٽ جي پي ٽي سميت ٻين لاءِ خطرو

چيني اسٽارٽ اپ ڊيپ سيڪ جي هٿرادو ذهانت (اي آءِ) اسسٽنٽ پنهنجي سڀ کان وڏي مخالف چيٽ جي پي ٽي کي پوئتي ڇڏيندي آمريڪا ۾ ايپل جي ايپ اسٽور تي دستياب ٽاپ ريٽڊ مفت ايپليڪيشن بڻجي وئي آهي، جنهن سان آمريڪي ٽيگ مارڪيٽ ۾ ڳڻتي ڇانئجي وئي آهي.
پرڏيهي ميڊيا موجب 10 جنوري تي رليز ٿيندڙ ڊيپ سيڪ جي وي 3 ماڊل جي حوالي سان ان جي تخليق ڪارن دعويٰ ڪئي آهي ته اهو اوپن سروس ماڊلز ۾ سرفهرست آهي ۽ عالمي سطح تي جديد ترين ڪلوزڊ سورس ماڊلز جو مقابلو ڪري رهيو آهي.
ايپ ڊيٽا ريسرچ فرم سينسر ٽاور جو چوڻ آهي ته ڊيپ سيڪ وي 3 ماڊل سان هلندڙ هٿرادو ذهانت جي ايپليڪيشن رليز کانپوءِ آمريڪي واهپيدارن ۾ مسلسل مقبول ٿي رهي آهي.
ان جي مقبوليت ۾ غير معمولي واڌ سليڪون ويلي تي گهرو اثر ڇڏيو آهي، جنهن سان هٿرادو ذهانت جي ميدان ۾ آمريڪي بالادستي جو بيانيو ڪمزور ٿي رهيو آهي.