سنڌ جي وڏي وزير مراد علي شاهه دعويٰ ڪئي آهي ته سنڌ حڪومت ڪراچي جا مسئلا گهڻي حد تائين حل ڪري ڇڏيا آهن.
سنڌ ايمرجنسي سروس 1122 جي هاءِ وي آپريشنز جي افتتاحي تقريب کي خطاب ڪندي مراد علي شاهه چيو ته ريسڪيو 1122 هنگامي خدمتون انجام ڏيندي آهي ۽ جنهن هڪ انسان جي حياتي بچائي ان سڄي انسانيت کي بچايو.
هن چيو ته قدرتي آفتن سميت ٻين حادثن ۾ ريسڪيو جو اهم ڪردار آهي، ريسڪيو عملو ئي ان پروگرام کي ڪامياب بڻائي سگهي ٿو، ان سروس سان ماڻهن جون ڏکيائيون گهٽجنديون.
سندس چوڻ هو ته سنڌ حڪومت عوام جي خدمت لاءِ رات ڏينهن ڪم ڪري رهي آهي، صوبائي حڪومت اسان جي، ميئر اسان جو ته پوءِ ذميواري به اسان تي لاڳو ٿئي ٿي، ڪراچي جا مسئلا تمام گهڻا آهن پر سنڌ حڪومت وڏي حد تائين مسئلا حل ڪري ڇڏيا آهن.
