تريپولي/اسلام آباد (ويب ڊيسڪ) ليبيا جي سمنڊ ويجهو ٻيڙي حادثي جو شڪار ٿي آهي، جنهن ۾ پاڪستاني شهري به سوار هئا.
پرڏيهي وزارت جي ترجمان حادثي جي تصديق ڪندي ٻڌايو آهي ته ليبيا جي سمنڊ ويجهو پاڪستاني شهرين کي وٺي ويندڙ ٻيڙي حادثي جو شڪار ٿي.
ليبيا ۾ پاڪستاني سفارتخاني موجب، 65 مسافرن کي وٺي ويندڙ ٻيڙي مرسا ڊيلا جي بندرگاهه ويجهو اونڌي ٿي.
ترجمان جو چوڻ آهي ته طرابلس ۾ پاڪستاني سفارتخاني جي ٽيم زاويه اسپتال رواني ڪئي وئي آهي، جيڪا مقامي اختيارين سان سهڪار ڪندي.
لبيا ۾ پناهگيرن جي ٻيڙي ٻڏڻ جو واقعو، ڏهه لاش ڪڍيا ويا
پرڏيهي وزارت موجب، صورتحال کي منهن ڏيڻ لاءِ ڪرائيسز مينيجمينٽ يونٽ کي متحرڪ ڪيو ويو آهي ۽ حادثي ۾ متاثر ٿيندڙ پاڪستانين جا تفصيل گڏ ڪيا پيا وڃن.
پرڏيهي خابرو اداري موجب ، مرسا ڊيلا بندرگاهه ويجهو ٻيڙي ٻڏڻ بعد 10 لاش ڪڍيا ويا.
ليبيا جي هلال احمر ٻڌايو آهي ته زاويه شهر جي مرسا ڊيلا بندرگاهه مان پناهگيرن جا لاش ڪڍي مقامي اختيارين حوالي ڪيا ويا آهن.
مقامي ميڊيا موجب، هلال احمر ٻيڙي جي ٻڏڻ جو ڪارڻ ۽ مسافرن جي سڃاڻپ ظاهر ناهي ڪئي.
