ڪويتي ڪابينا 27 جنوري سومر جي ڏينهن شبِ معراج جي موقعي تي عام موڪل جي منظوري ڏئي ڇڏي آهي.
پرڏيهي ميڊيا موجب، ڪويتي ڪابينا اهو فيصلو انڪري ڪيو آهي ته جيئن جمعي ۽ ڇنڇر جون هفتيوار موڪلون گڏائي شهرين کي ٽن ڏينهن جون موڪلون ملي سگهن.
واضح رهي ته جيتوڻيڪ ڪويت ۾ شبِ معراج باضابطا طور تي سومر 27 جنوري تي آهي، پر اِها موڪل هاڻي خميس تي ڏني ويندي.
ڪويتي ڪابينا جو چوڻ آهي ته اِها ترتيب عوام لاءِ مذهبي تقريبون ۽ تهوار ملهائڻ ۾ توازن قائم رکڻ واري حڪومتي عزم جو عڪس آهي.
اهڙي نموني ڪويت ۾ شهرين کي 30 جنوري کان 1 فيبروري تائين ٽي ڏينهن موڪلون ملي ويون آهن.
