پيڪا ايڪٽ ترميمن کي سپريم ڪورٽ ۾ چئلينج ڪيو ويو آهي
پيڪا ايڪٽ ترميمن خلاف شهري قيوم خان طرفان درخواست داخل ڪئي وئي آهي.
درخواست ۾ پيڪا ايڪٽ ۾ ڪيل ترميمون ڪالعدم قرار ڏيڻ جي استدعا ڪئي وئي آهي.
درخواست ۾ پيڪا ترميمن خلاف ٻڌڻي لاءِ فل ڪورٽ جوڙڻ جي به استدعا ڪئي وئي آهي.
درخواست ۾ موقف اختيار ڪيو ويو ته پيڪا ايڪٽ ۾ ترميمون بنيادي حقن جي خلاف آهن، پارليامينٽ کي اختيار ناهي ته بنيادي حقن جي ڀڃڪڙي ڪري سگهي.
درخواست ۾ ڄاڻايو ويو آهي ته فل ڪورٽ نه رڳو ترميمن پر اصل پيڪا ايڪٽ جو به بنيادي حقن جي تناظر ۾ جائزو وٺي.
