آءِ سي سي ون ڊي رينڪنگ ۾ بابر اعظم جي بادشاهي برقرار، صائم ايوب جي به ترقي

انٽرنيشنل ڪرڪيٽ ڪائونسل ( آءِ سي سي ) ون ڊي فارميٽ جي نئين رينڪنگ جاري ڪري ڇڏي.
آءِ سي سي طرفان جاري ڪيل هفتيوار رينڪنگ موجب، اڳوڻي ڪپتان بابر اعظم جي ون ڊي ڪرڪيٽ ۾ بادشاهي برقرار آهي جڏهن ته فاسٽ بالر شاهين آفريدي جي تنزلي ٿي آهي.
بيٽرز جي رينڪنگ ۾ بابر اعظم 795 ريٽنگ پوائنٽ سان پهرين پوزيشن تي قابض آهي، هن کانسواءِ ڪو به پاڪستاني ٽاپ ڏهن بيٽرز جي فهرست ۾ شامل نه آهي.
ڏکڻ آفريڪا خلاف ٽن ون ڊي ميچن جي سيريز ۾ ٻه سينچريون ٺاهيندڙ اوپنر صائم ايوب وڏو ٽپو ڏيندي 57 هين کان 24 هين پوزيشن تي اچي ويو آهي.
بالرن ۾ شاهين آفريدي هڪ درجو وڃائي ويٺو آهي، هو هاڻي ٽئين نمبر تي هليو ويو آهي جڏهن ته آل رائونڊرز ۾ ڪو به پاڪستاني ٽاپ ٽين ۾ شامل نه آهي.